← رجوع للتطبيق

سياسة الخصوصية

آخر تحديث: ١٠ أكتوبر ٢٠٢٦

تطبيق «يلا نتعلم» موجّه للأطفال من سن ٢ إلى ٦ سنين، وبيتفتح الحساب فيه من خلال وليّ الأمر مش الطفل. إحنا بناخد خصوصية بياناتكم وبيانات أطفالكم بجدية، والسياسة دي بتشرح بالظبط إحنا بنجمع إيه وليه.

البيانات اللي بنجمعها

إحنا مش بنجمع أي بيانات من الطفل نفسه — اسم الطفل وسنّه بيكتبهم وليّ الأمر بس، ومفيش صورة، ولا موقع جغرافي، ولا أي تتبّع للاستخدام داخل الألعاب والحلقات. وتقدر تمسح بيانات الطفل في أي وقت.

إعلانات وتتبّع

التطبيق من غير إعلانات تمامًا، وصفحات الدروس والألعاب اللي بيستخدمها الأطفال مفيهاش أي أدوات تحليل أو تتبّع تابعة لجهات خارجية، وكمان تطبيق الموبايل.

صفحة تسجيل وليّ الأمر بس على الموقع (account.html) فيها Meta Pixel من فيسبوك، عشان نعرف إعلاناتنا على فيسبوك جابت كام وليّ أمر سجّل. بيتبعت لـ Meta إن الصفحة اتفتحت وإن حساب جديد اتعمل — من غير الإيميل أو كلمة السر أو أي بيانات عن الطفل.

المدفوعات

الدفع بيتم من خلال معالج دفع خارجي (Paymob على الموقع، أو نظام الشراء داخل التطبيق من Apple/Google في نسخة الموبايل). إحنا مش بنخزّن أي بيانات بطاقة ائتمان — ده بيتعالج بالكامل من خلال الجهة المختصة بالدفع.

مشاركة البيانات

إحنا مش بنبيع ولا بنشارك أي بيانات مع أي جهة تالتة لأغراض تسويقية. البيانات المحدودة اللي بنجمعها (الإيميل وحالة الاشتراك) بتتخزن فقط عشان تشغيل الخدمة.

حقوق وليّ الأمر

لو عايز تعرف البيانات المخزنة عن حسابك، أو عايز تمسحها بالكامل، تقدر تتواصل معانا من صفحة الدعم وهنستجيب بأسرع وقت.

تواصل معانا

لأي سؤال عن الخصوصية، راسلونا من صفحة الدعم.